Круглы стол «Узняцца да лёсу чалавечага: да 75-годдзя з дня нараджэння Валянціны Локун»
6 жніўня 2021 г. у зале Пінскай цэнтральнай гарадской бібліятэкі адбыўся круглы стол «Узняцца да лёсу чалавечага: да 75-годдзя з дня нараджэння Валянціны Локун», беларускага літаратуразнаўцы, крытыка. Мерапрыемства адбылося па ініцыятыве Брэсцкай абласной бібліятэкі імя М. Горкага пры падтрымцы аддзела культуры Пінскага гарвыканкама і Пінскай ЦГБ.
Выстава «Брэст. Чэрвень. Крэпасць: да 80-годдзя пачатку Вялікай Айчыннай вайны»
22 чэрвеня 2021 г. у аддзеле краязнаўчай літаратуры і бібліяграфіі Брэсцкай абласной бібліятэкі імя М. Горкага адкрылася кніжная выстава «Брэст. Чэрвень. Крэпасць: да 80-годдзя пачатку Вялікай Айчыннай вайны». Брэсцкая крэпасць, адно з самых гераічных месцаў Беларусі, была і застаецца візітнай карткай горада. 22 чэрвеня 1941 г. яе гарнізон прыняў першыя ўдары гітлераўскіх захопнікаў і больш месяца ўтрымліваў абарону ў поўным акружэнні.
На выставе прадстаўлены энцыклапедыі, кнігі па гісторыі Брэста, успаміны ўдзельнікаў Вялікай Айчыннай вайны. Сярод экспануемых выданняў «Брестская крепость: война и мир» (Брэст, 2010), Р. Аліеў і І. Рыжоў «Брест и Крепость: трагический июнь» (Масква, 2016), Г. А. Грабёнкіна «Брест непокорённый» (Мінск, 2015), «На абпаленых крылах: кніга ўспамінаў непаўналетніх вязняў фашызму» (Мінск, 2012) і інш.
Асаблівую цікавасць выклікае выданне Дзяржаўнага архіва Брэсцкай вобласці «Брест в 1941–1944 гг. Оккупация: документы и материалы» (Брэст, 2016). Асобную паліцу займае серыя кніг В. Сарычава «В поисках утраченного времени».
Прадстаўлены вядомыя творы С. С. Смірнова: «Брестская крепость», «Мы из Бреста», «Первая шеренга», «Рассказы о неизвестных героях».
Выстава будзе працаваць на працягу чэрвеня – ліпеня.
Лахміцкая Наталля Сцяпанаўна,
бібліёграф аддзела краязнаўчай літаратуры і бібліяграфіі
Кантактны тэлефон: +375 162 57 48 79
Прэзентацыя кнігі «Брестская епархия: история и современность»
14 чэрвеня 2021 г. у Брэсцкай абласной бібліятэцы імя М. Горкага адбылася прэзентацыя кнігі «Брестская епархия: история и современность», прысвечанай 30-годдзю адраджэння Брэсцкай епархіі Беларускай праваслаўнай царквы.
Міжнародны круглы стол «Радзімазнаўчы аспект у творчасці пісьменнікаў СНД»
4 чэрвеня 2021 г. у Брэсцкай абласной бібліятэцы імя М. Горкага адбыўся міжнародны круглы стол «Радзімазнаўчы аспект у творчасці пісьменнікаў СНД». Ён прымеркаваны да Года народнага адзінства і 30-годдзя заснавання Садружнасці Незалежных Дзяржаў.
«Вёска Рубель на Століншчыне»: прэзентацыя гісторыка-краязнаўчага нарыса
18 мая 2021 г. у аддзеле краязнаўчай літаратуры і бібліяграфіі Брэсцкай абласной бібліятэкі імя М. Горкага адбылася прэзентацыя новай кнігі — гісторыка-краязнаўчага нарыса «Вёска Рубель на Століншчыне» доктара гістарычных навук, прафесара, загадчыка кафедры гісторыі славянскіх народаў БрДУ імя А. С. Пушкіна А. Вабішчэвіча.
Міжнародны круглы стол «Лукаш Дзекуць-Малей: прадаўжальнік справы Скарыны»
31 сакавіка 2021 г. у Брэсцкай абласной бібліятэцы імя М. Горкага адбыўся міжнародны круглы стол «Лукаш Дзекуць-Малей: прадаўжальнік справы Скарыны», прымеркаваны да 100-годдзя пачатку дзейнасці ў Брэсце грамадскага і рэлігійнага дзеяча, выдаўца, перакладчыка, дабрачынца, і 90-годдзя выдання перакладу Бібліі на беларускую мову. Мэта круглага стала — асэнсаванне яго ўнёску ў агульную гісторыка-культурную спадчыну Беларусі і Брэстчыны. Галоўнай падзеяй стала прэзентацыя новага зборніка навуковых артыкулаў «Лукаш Дзекуць-Малей: пастар, які працягнуў справу Скарыны», які выйшаў у свет у 2021 г. у выдавецтве «Пазітыў-цэнтр», з удзелам аўтараў. Кніга складаецца з апублікаваных у перыяд з 1975 да 2018 г. пятнаццаці артыкулаў дзевяці даследчыкаў. На сённяшні дзень гэта толькі другая кніга ў беларускай гістарыяграфіі, прысвечаная асобе Л. Дзекуця-Малея. У зборніку таксама ўтрымліваецца багаты матэрыял па краязнаўстве Брэстчыны.
Круглы стол прайшоў у афлайн- і анлайн-фарматах. Небяспечная эпідэмічная сітуацыя не дазволіла запрасіць для ўдзелу ў мерапрыемстве ўсіх жадаючых. Прагучалі анлайн-даклады вядомых навукоўцаў Алены Глагоўскай, прафесара ўніверсітэта Казіміра Вялікага ў г. Быдгашчы (Польшча), Ёханэса Раймера, прафесара па місійных даследаваннях і міжкультурнай тэалогіі ўніверсітэта прыкладных навук г. Эверсбаха (Германія), а таксама прамых нашчадкаў Л. Дзекуця-Малея з г. Гданьска (Польшча). У працы круглага стала прынялі ўдзел гісторыкі Брэсцкага дзяржаўнага ўніверсітэта імя А. С. Пушкіна, Брэсцкага дзяржаўнага тэхнічнага універсітэта, краязнаўцы, спецыялісты па гісторыі пратэстантызму ў Беларусі.
Краязнавец І. М. Чайчыц прадставіў невядомыя раней дакументы пра Л. Дзекуця-Малея з фонду Дзяржаўнага архіва Брэсцкай вобласці. Былі прадстаўлены таксама арыгіналы Бібліі на беларускай мове ў перакладзе Л. Дзекуця-Малея ўсіх гадоў выдання (1931, 1948, 1985, 1991). Заг. аддзела краязнаўчай літаратуры і бібліяграфіі Жэлянгоўская Ірына прэзентавала выставу дакументаў з фондаў бібліятэкі «Лукаш Дзекуць-Малей і Беларусь: асоба ХХ стагоддзя».
Удзельнікі круглага стала пазнаёміліся з музейна-выставачнай экспазіцыяй аддзела рэдкай кнігі, у якую ўваходзяць рэдкія і каштоўныя выданні па гісторыі Беларусі і Брэстчыны.
Верамчук Ларыса Эдуардаўна,
намеснік дырэктара па сацыякультурнай і інфармацыйнай рабоце
Кантактны тэлефон: +375 162 43 45 25
Віншаванне з юбілеем!
Чытачы і супрацоўнікі Брэсцкай абласной бібліятэкі імя М. Горкага віншуюць з 70-гадовым юбілеем таленавітага беларускага мастака-ювеліра, заслужанага дзеяча мастацтваў Рэспублікі Беларусь Мікалая Кузьміча. Мікалай Пятровіч працуе ў галіне ювелірнага мастацтва, у тэхніцы гарачых эмаляў. Уваходзіць у пяцёрку лепшых майстроў у свеце, якія працуюць у гэтай унікальнай тэхніцы. Займаецца вырабам мастацкіх твораў, аб’ектаў і ювелірных упрыгожанняў.
Брэсцкая абласная бібліятэка імя М. Горкага: 80 гадоў шляху
Брэсцкай абласной бібліятэцы імя М. Горкага — 80 гадоў! Па-сапраўднаму доўгая гісторыя. За гэты час Бібліятэка стала творчым калектывам аднадумцаў, установай са сваімі традыцыямі і непаўторным стылем. На працягу 80 гадоў яна паспяхова выконвала сваю асноўную місію: забяспечвала інфармацыяй, развівала культурна-асветную дзейнасць, шукала новыя падыходы, новыя формы работы, імкнулася захаваць і прымножыць інтэлектуальнае багацце пакаленняў.
5 лістапада адзначае 70-гадовы юбілей пісьменнік, журналіст Аляксандр Міхайлавіч Валковіч.
Віншаванне з юбілеем
5 лістапада адзначае 70-гадовы юбілей пісьменнік, журналіст Аляксандр Міхайлавіч Валковіч.
III Абласная школа дырэктараў
1–2 кастрычніка 2020 г. на базе ДУК «Ганцавіцкая раённая цэнтралізаваная бібліятэчная сістэма» адбылася III Абласная школа дырэктараў бібліятэчных сістэм Брэсцкай вобласці.